सनातन प्रभात > Post Type > बातम्या > राष्ट्रीय बातम्या > Indian Black Money Recovery :  १० वर्षांत काळ्या पैशांच्या संदर्भात ३३८ कोटी रुपये वसूल ! – केंद्रशासन

Indian Black Money Recovery :  १० वर्षांत काळ्या पैशांच्या संदर्भात ३३८ कोटी रुपये वसूल ! – केंद्रशासन

भारतियांचे स्विस बँकेत आहेत ३७ सहस्र ६०० कोटी रुपयांहून अधिक रक्कम !

नवी देहली – गेल्या १० वर्षांत काळ्या पैशांशी संबंधित असलेल्या प्रकरणांमध्ये ३३८ कोटी रुपये वसूल करण्यात आले आहेत, अशी माहिती केंद्रशासनाने संसदेत दिली. समाजवादी पक्षाचे खासदार जावेद अली खान यांनी स्विस बँकांमध्ये असलेल्या भारतीय लोकांच्या मालमत्तेत २ पटींनी वाढ झाल्याविषयी संसदेत प्रश्न विचारला होता.

यावर अर्थ राज्यमंत्र्यांनी लेखी उत्तर दिले आहे. स्विस नॅशनल बँकेने वर्ष २०२४ मध्ये सांगितले होते की, स्विस बँकांमध्ये जमा असलेले भारतीय पैसे ३ पटींनी वाढून ३५० कोटी स्विस फ्रँक, म्हणजेच अनुमाने ३७ सहस्र ६०० कोटी रुपये झाले असल्याची माहिती दिली होती. यावरून हा प्रश्न विचारण्यात आला होता.


सरकारने उत्तरात म्हटले की, स्विस अधिकार्‍यांनी म्हटले आहे की, आमचा ‘वार्षिक बँकिंग डेटा’ स्वित्झर्लंडमधील भारतीय नागरिकांच्या ठेवींची माहिती सार्वजनिक करण्यासाठी वापरू नये. स्वित्झर्लंड वर्ष २०१८ पासून भारतीय खातेदारांची वार्षिक आर्थिक माहिती भारत सरकारला देत आहे. भारतीय अधिकार्‍यांना पहिला डेटा सप्टेंबर २०१९ मध्ये मिळाला होता, त्यानंतर तो सातत्याने मिळत आहे. तसेच भारताला १०० हून अधिक संस्थांकडून परदेशी मालमत्ता आणि उत्पन्नाची माहिती मिळत आहे.

संपादकीय भूमिका

यासह अशांची नावे उघड करून त्यांच्यावर कठोर कारवाईही करणे अपेक्षित आहे !

नूतन लेख