भिवंडी येथे शिधावाटपात काळाबाजार

तिघांच्या विरोधात गुन्हा नोंद !

ठाणे – भिवंडी येथील रांजनोली भागात शिधापत्रिकाधारकांना वाटप केले जाणारे अन्नधान्य योग्य पद्धतीने वितरित होण्याऐवजी ते काळा बाजारात विकण्यासाठी जात होते. या प्रकरणी दुकानदार पियुश ठक्कर, रमेश भानुशाली आणि ट्रकचालक रविकिशन सिंग यांच्या विरोधात कोनगाव पोलीस ठाणे येथे गुन्हा नोंद करण्यात आला आहे. (कायद्याचे भय वाटत नसल्याने गुन्हेगार असे गुन्हे करण्याचे धाडस करत आहेत. आरोपींना कठोर शिक्षा झाल्याशिवाय, असे प्रकार थांबणार नाहीत ! – संपादक) ट्रकमध्ये १ लाख ४९ सहस्र रुपये किमतीचे अन्नधान्य आढळून आले आहे. पुढील अन्वेषण पोलीस करत आहेत.