Syria Bomb Blast : सीरियातील चर्चमध्ये इस्लामिक स्टेटकडून आत्मघातकी आक्रमण : २२ जणांचा मृत्यू, तर ६३ जण घायाळ

दमास्कस (सीरिया) – येथे ग्रीक ऑर्थोडॉक्स सेंट इलियास चर्चमध्ये २२ जूनच्या रात्री झालेल्या आत्मघातकी आक्रमणात किमान २२ जणांचा मृत्यू झाला आणि ६३ जण घायाळ झाले. येथे १५० ते ३५० लोक प्रार्थनेला उपस्थित असतांना हे आक्रमण झाले. इस्लामिक स्टेटशी संबंधित एका आतंकवाद्याने चर्चमध्ये घुसून प्रथम गोळीबार केला आणि नंतर स्वतःला बाँबस्फोटाद्वारे उडवून दिले.

सीरियाचे माहिती मंत्री हमजा अल्-मुस्तफा यांनी या आक्रमणाला ‘राष्ट्रीय एकतेवर आक्रमण’, असे संबोधत सर्व समुदायांना शांतता राखण्याचे आवाहन केले. संयुक्त राष्ट्रांचे विशेष दूत गीर पेडरसन यांनीही या घटनेचा तीव्र निषेध केला आणि चौकशीची मागणी केली.