मुंबईत बनावट नोटा छापणार्‍या दोघांना अटक !

८ लाख ७० सहस्र रुपयांच्या १ सहस्र ७४० नोटा जप्त

 मुंबई – मालवणी पोलिसांनी बनावट नोटा छापणार्‍या दोघांना अटक केली आहे. त्यांच्याकडून त्यांनी १ सहस्र ७४० नोटा, तसेच त्या छापण्यासाठी वापरण्यात येणारे साहित्य जप्त केले. संपत एन्जपल्ली (वय ४६ वर्षे) आणि रहीमपाशा शेख (वय ३० वर्षे) अशी आरोपींची नावे आहेत. त्यांच्या चारचाकीच्या झाडाझडतीत भारतीय चलनातील ५०० रुपयांच्या १ सहस्र ७४० बनावट नोटा म्हणजेच ८ लाख ७० सहस्र रुपये, तसेच त्या छापण्यासाठी लागणारा प्रिंटर, भ्रमणसंगणक (लॅपटॉप), पिंक पेपर, कटर, गुन्ह्यासाठी वापरण्यात आलेली चारचाकी इत्यादी २३ लाख ३० सहस्र रुपयांचा मुद्देमाल पोलिसांनी जप्त केला.