अमेरिकेने युद्धसदृश परिस्थिती निर्माण केल्यास अणूयुद्ध होईल ! – North Korea

अमेरिकेच्या गोल्डन डोम हवाई संरक्षण प्रणालीवरून उत्तर कोरियाची धमकी !

प्यांगयांग (उत्तर कोरिया) – अमेरिका तिच्या हवाई संरक्षणासाठी ‘गोल्डन डोम’ नावाची संरक्षण प्रणाली निर्माण करत आहे. ही प्रणाली क्षेपणास्त्राच्या आक्रमणांपासून संरक्षण करण्यासाठी अवकाशात तैनात केली जाणार आहे. उत्तर कोरियाने या निर्णयाला विरोध दर्शवला आहे. अधिकृत निवेदनात म्हटले आहे की, अमेरिका युद्धसदृश परिस्थिती निर्माण करत आहे. जर तिने तात्काळ तिची भूमिका पालटली नाही, तर अणूयुद्धाला कुणीही अडवू शकणार नाही.

१. उत्तर कोरियाला वाटते की, ही प्रणाली केवळ अमेरिकेपुरती मर्यादित रहाणार नाही. दक्षिण कोरिया आणि जपान यांसारख्या अमेरिकेच्या मित्रराष्ट्रांमध्येही तिची स्थापना होण्याची शक्यता आहे. ही दोन्ही राष्ट्रे उत्तर कोरियाचे पारंपरिक प्रतिस्पर्धी मानले जातात.

२. उत्तर कोरियाकडे सध्या सुमारे ५० अणूबाँब आहेत आणि आणखी ९० अण्वस्त्रे सिद्ध  होण्याच्या प्रक्रियेत आहेत. त्यामुळे उत्तर कोरियाने अमेरिकेला दिलेली धमकी गंभीर मानली जात आहे.