हिंदूंनो, सर्व मतभेद विसरून संघटित व्हा अन् मतदान करा ! – नितेश राणे, प्रवक्ते, भाजप

कणकवली (जिल्हा सिंधुदुर्ग) – मुस्लिम लीगला भारतातील हिंदूंना जातीजातीत वाटून या हिंदु राष्ट्राला इस्लामी राष्ट्र बनवायचे आहे. काँग्रेसचे राहूल गांधी आरक्षणाची मागणी करतांना इस्लाममधील जातींवर आधारित आरक्षण मागतांना कधी ऐकले नाही. त्यांना केवळ हिंदु समाजातील जातींसाठी आरक्षण मागून आरक्षणाच्या नावाखाली हिंदूंचे विभाजन करायचे आहे. महाविकास आघाडीला मते देण्याचे फतवे प्रत्येक मशिदीतून निघत आहेत. त्यांच्या बैठका झाल्या आहेत. त्यामुळे हिंदूंनी सर्व मतभेद विसरून संघटित होऊन मतदान केले पाहिजे. अन्यथा महाराष्ट्रात घरावर भगवा झेंडा फडकवता येणार नाही, अशी चेतावणी भाजपचे प्रवक्ते तथा कणकवली मतदारसंघातील महायुतीचे उमेदवार नितेश राणे यांनी हिंदूंना दिली आहे.

O’ Hindus, forget all the differences, unite and vote. – appeals Nitesh Rane, Spokesperson, BJP.

👉 Hindus have to be awakened, while Mu$l!m$, Christians or Jews are always united for their beliefs.

👉The Hindus were initially divided by the British and the Congress further… pic.twitter.com/4aqwozOSS9

— Sanatan Prabhat (@SanatanPrabhat) November 7, 2024

शहरातील ‘प्रहार भवन’मध्ये आयोजित पत्रकार परिषदेत राणे बोलत होते. या वेळी राणे म्हणाले,

१. महाविकास आघाडीला हिंदूंच्या मतांची आवश्यकता नाही.

२. लोकसभा निवडणुकीच्या वेळी महाविकास आघाडीचे उमेदवार निवडून आल्यावर पाकिस्तानचे झेंडे फडकवले गेले. हिरवा गुलाल उधळला गेला, हे लक्षात ठेवा आणि हिंदु समाज म्हणून या निवडणुकीत काय भूमिका घ्यायची, हे ठरवा.

३. ‘बंटोगे तो कटोगे’ हा उत्तरप्रदेशचे मुख्यमंत्री योगी आदित्यनाथ यांनी हिंदूंना दिलेला संदेश योग्य आहे. हिंदु समाजातील प्रत्येकाने तो गांभीर्याने घ्यावा आणि येत्या २० नोव्हेंबरला मतदान करावे.