Misuse Of Aadhar Card In Bagalkot : एकच आधारकार्ड दाखवून बसप्रवास करणार्‍या ३ बुरखाधारी महिलांना दंड !

बागलकोट (कर्नाटक) – एकच आधारकार्डचा वापर करून प्रवास करणार्‍या ३ बुरखाधारी महिलांना बसवाहकाने (कंडक्टर) पकडले. बागलकोटहून बेळगावकडे निघालेल्या ३ बुरखाधारी महिलांनी एकच आधारकार्ड दाखवत प्रवास केला. यामुळे बसवाहक संतापला आणि त्याने महिलांना ५०० रुपये दंड भरण्यास सांगितले. दंड न भरल्यास तिघींविरुद्ध पोलीस ठाण्यात तक्रार प्रविष्ट (दाखल) करण्याची चेतावणी दिली.