‘गाय आम्हाला कुराणाप्रमाणे पवित्र, हत्या करणार्‍यांवर कारवाई करावी’ – आमदार अबू आझमी 

मुंबई, ३० जून (वार्ता.) – गाय आमच्यासाठी पवित्र आणि पूजनीय आहे; परंतु गायीला रस्त्यावर कचरा खाण्यासाठी सोडले जाते. गाय पवित्र आहे, तर तिचा सांभाळ करायला हवा. गायीचे दूध प्यायले जाते; पण ती दूध देत नाही; म्हणून तिला रस्त्यावर सोडले जाते. कुराण, वेद यांप्रमाणे गायीला पवित्र मानले जावे. गायीला रस्त्यावर सोडता कामा नये. कचरा खाऊन गायी मरत आहेत. जे मांसासाठी गायीची हत्या करतात, त्यांच्यावर सरकारने कारवाई करावी, अशी मागणी समाजवादी पक्षाचे आमदार अबू आझमी यांनी विधानसभेत केली. ३० जून या दिवशी पुरवणी मागण्यांवरील चर्चेच्या वेळी कचर्‍याच्या समस्येचा विषय सांगतांना अबू आझमी यांनी वरील वक्तव्य केले.