Israel attacked mosque in Gaza : इस्रायलचे गाझामधील मशिदीवर आक्रमण !

हमासचे आतंकवादी मशिदीतून करत होते आतंकवादी कारवाया !

तेल अविव (इस्रायल) – इस्रायलने(Israel) गाझा(Gaza) पट्टीतील मशिदीवर(mosque) हवाई आक्रमण केले. या आक्रमणात अनुमाने २४ जण ठार झाले असून ९३ जण घायाळ झाले आहेत. गाझा पट्टीतील दीर अल्-बलाहमध्ये (Deir al-Balah) अल्-अक्सा रुग्णालयाजवळील मशिदीवर हे आक्रमण झाले. या आक्रमणाविषयी इस्रायलने निवेदन जारी केले असून त्यात म्हटले आहे की, दीर अल्-बलाह भागात ‘शुहादा अल्-अक्सा’ मशिदीत असलेल्या हमासच्या आतंकवाद्यांवर(terrorists) बिनचूक आक्रमण करण्यात आले. हे आतंकवादी या मशिदीतून कारवाया करत होते.

गाझातील धार्मिक व्यवहार मंत्रालयाने दिलेल्या माहितीनुसार इस्रायलच्या आक्रमणात गाझातील १ सहस्र २४५ मशिदींपैकी ८१४ मशिदी नष्ट झाल्या आहेत, तर १४८ मशिदींची मोठी हानी झाली आहे. यासह ३ चर्चही नष्ट झाली आहेत. यासह ६० पैकी १९ स्मशानभूमींनाही लक्ष्य करण्यात आले आहे.