Houthi Attack British Ship :  हुती आतंकवाद्यांकडून लाल समुद्रात ब्रिटीश नौकेवर आक्रमण !

साना (येमेन) – येमेनच्‍या हुती आतंकवाद्यांनी लाल समुद्रात स्‍फोटकांनी भरलेल्‍या नौकेने तेल वाहून नेणार्‍या ब्रिटीश नौकेवर (टँकरवर) आक्रमण केले. हे आक्रमण होदेइदाह बंदरापासून ११० किमी अंतरावर करण्‍यात आले. व्‍यावसायिक नौकेवर हुती आतंकवाद्यांनी केलेले हे पहिले आक्रमण होते.

सौजन्य:HD

इस्रायल आणि हमास यांच्‍यामध्‍ये गेल्‍या वर्षी चालू झालेला संघर्ष आता लेबनॉन आणि इराण या देशांमध्‍ये पसरला आहे. हुती आतंकवाद्यांनी इस्रायलविरुद्ध सैनिकी कारवाई तीव्र करण्‍याची चेतावणी दिली आहे. येमेनवरून उडणारे अमेरिकन ड्रोन पाडल्‍यानंतर त्‍यांनी ही चेतावणी दिली.