Javed Akhtar On ISRO : (म्‍हणे) ‘इस्रोचे शास्‍त्रज्ञ चंद्रावर उपग्रह पाठवतात आणि मंदिरात जातात !’ – गीतकार जावेद अख्‍तर

गीतकार जावेद अख्‍तर यांचे विज्ञान आणि धर्म यांवर टीका करणारे विधान !

नवी देहली – प्रसिद्ध चित्रपट कथालेखक आणि गीतकार जावेद अख्‍तर यांनी विज्ञान आणि धर्म यांवर भाष्‍य करतांना त्‍यांना परस्‍परविरोधी ठरवले आहे. ते म्‍हणाले की, भारतात इस्रोची (भारतीय अंतराळ संशोधन संस्‍थेची) एक व्‍यक्‍ती आहे जी चंद्राच्‍या एका भागात उपग्रह पाठवू शकते. चंद्रावर चंद्रलोक आहे. तेथे देवता रहातात आणि तुम्‍ही तेथे उपग्रह पाठवता. उपग्रह तेथे पोचल्‍यावर तुम्‍ही (इस्रोचे शास्‍त्रज्ञ) मंदिरात जाता, हा स्‍किझोफ्रेनिया (एक प्रकारचा मनोविकार) आहे. मानवी इतिहासात असे पहिल्‍यांदाच घडत आहे की, तुमचे ज्ञान आणि माहिती अन् तुमच्‍या धर्माची विचारधारा एकत्र येत नाहीत, असे विधान लेखक आणि गीतकार जावेद अख्‍तर यांनी एका मुलाखतीत केले.

‘ISRO Scientists send satellites to the moon and then go to temples, this is Schizophrenia’ – Lyricist Javed Akhtar’s statement criticising the intersection of Science and Dharma

Is there a rule that the advocates of science should be atheists? Or is there some global standard… pic.twitter.com/F0T7VRsyV9

— Sanatan Prabhat (@SanatanPrabhat) August 31, 2024

जावेद अख्‍तर यांनी सांगितले की, सर्व धर्म कोणत्‍याही अपवादाखेरीज अंधकार युगात आहेत. त्‍यांचीमुळे अंधकार युगाशी जोडलेली आहेत. लोकांची गर्भनाळ अंधकार युगाशी अजूनही जोडलेले आहे.