Imran Khan : गुप्त पत्र चोरीच्या प्रकरणात इम्रान खान यांची निर्दोष मुक्तता

इस्लामाबाद (पाकिस्तान) – पाकिस्तानचे माजी पंतप्रधान इम्रान खान यांना इस्लामाबाद उच्च न्यायालयाने गुप्त पत्र चोरल्याच्या प्रकरणी पुराव्यांअभावी निर्दोष मुक्त केले आहे. या प्रकरणात इम्रान खान आणि शाह महमूद कुरेशी गेल्या वर्षी दोषी आढळले होते. देशाच्या गोपनीयतेचा भंग केल्याच्या आरोपावरून विशेष न्यायालयाने त्यांना १० वर्षांच्या कारावासाची शिक्षा सुनावली होती. या शिक्षेला इम्रान खान आणि शाह महमूद कुरेशी यांनी इस्लामाबाद उच्च न्यायालयात आव्हान दिले होते.