पुणे – सरकारने सगेसोयर्‍यांच्या सूत्राची कार्यवाही करून सरसकट कुणबी प्रमाणपत्र दिले नाही, तर आपण विधानसभा निवडणुकीला सर्वच २८८ जागांवर उमेदवार उभे करणार, असे मनोज जरांगे पाटील म्हणाले. मनोज जरांगे पाटील यांच्या विरोधात वर्ष २०१३ मधील फसवणुकीच्या एका प्रकरणात अटक वॉरंट जारी झाले होते. या प्रकरणी ३१ मे या दिवशी ते पुणे जिल्हा सत्र न्यायालयात उपस्थित झाले. त्यानंतर न्यायालयाने हे वॉरंट रहित केले. या वेळी पत्रकारांशी संवाद साधतांना त्यांनी वरील वक्तव्य केले. ‘लोकसभा निवडणुकीच्या निकालाच्या दिवशी म्हणजे ४ जूनपासून पुन्हा एकदा आमरण उपोषण चालू करणार, मराठा समाजाला ओबीसी आरक्षण मिळेपर्यंत आपला लढा चालूच राहील’, असे मनोज जरांगे यांनी या वेळी स्पष्ट केले.
काय आहे वर्ष २०१३ चे प्रकरण ?मनोज जरांगे यांनी ‘शिवबा’ संघटना स्थापन केली होती. या संघटनेच्या वतीने वर्ष २०१३ मध्ये एका नाटकाचे आयोजन केले होते; पण हे नाटक झाल्यानंतर त्याचे पैसे देण्यात आले नव्हते. त्यामुळे या प्रकरणी न्यायालयात तक्रार प्रविष्ट करण्यात आली होती. न्यायालयाच्या आदेशानुसार या प्रकरणी कोथरूड पोलीस ठाण्यात गुन्हा नोंद करण्यात आला. या प्रकरणात जरांगे यांना यापूर्वीच जामीन संमत झाला होता. |
‘मराठी भाषा अधिकारी’ किती कृतीप्रवण आहेत ? मराठी भाषा विभाग घेणार आढावा !
गोव्यामध्ये गांजा विक्रीसाठी निघालेल्या २ धर्मांधांना अटक !
जुन्नर (पुणे) येथे लक्ष्मीपूजनादिनी ६ गोवंशियांची सुटका !
दिवाळीच्या रात्री फटाके फोडणार्या व्यक्तीला भरधाव चारचाकीची धडक !
दिवाळीनंतर पुणे आणि मुंबई या शहरांमधील हवेची गुणवत्ता मोठ्या प्रमाणात ढासळली !
दिवाळीत झाली खासगी ट्रॅव्हल्स तिकिटांची ‘रेड बस’ॲपवर चढ्या दराने विक्री !