Shopping Complex Thiruvannamalai : तिरुवन्नमलाई येथील श्री अरुणाचलेश्‍वर मंदिरासमोर ‘शॉपिंग कॉम्प्लेक्स’ बांधणार नाही !

‘तमिळनाडू हिंदु धर्मादाय विभागा’ची उच्च न्यायालयात माहिती !

चेन्नई – ‘तमिळनाडू हिंदु धर्मादाय विभागा’ने (एच्. आर्. अँड सी. ई.) तिरुवन्नमलाई येथील श्री अरुणाचलेश्‍वर मंदिराच्या राजगोपुरम्समोर ‘शॉपिंग कॉम्प्लेक्स’ बांधणार नसल्याचे उच्च न्यायालयासमोर सांगितले आहे. हा मंदिराच्या भक्तांचा मोठा विजय आहे, असे मंदिर कार्यकर्ता टी.आर्. रमेश यांनी ३० एप्रिल २०२४ या दिवशी ‘एक्स’वर प्रसारित केलेल्या ‘पोस्ट’मध्ये म्हटले आहे.

गेल्या वर्षी नोव्हेंबरमध्ये हे सूत्र न्यायालयासमोर उपस्थित केले असता, या प्रकरणाची सुनावणी करणार्‍या खंडपिठाने हे बांधकाम त्वरित थांबवण्याचा आदेश दिला होता.

याविषयी टी.आर्. रमेश यांनी ‘स्वराज्य’ या हिंदुत्वनिष्ठ नियतकालिकाला दिलेल्या मुलाखतीत सांगितले की, हे बांधकाम वारसास्थळाच्या सौंदर्याला हानी पोचवणारे होते.