Iran Attack Pakistan : इराणचे पाकिस्तानमधील आतंकवादी संघटनेच्या तळांवर पुन्हा हवाई आक्रमण !

जैश-अल्-अदलच्या कमांडर सह अनेक आतंकवादी ठार

तेहरान (इराण) – इराणने २३ फेब्रुवारच्या रात्री पाकमधील जैश-अल्-अदल या सुन्नी आतंकवादी संघटनेच्या तळांवर हवाई आक्रमण केले. यात या संघटनेच्या इस्माइल शाहबक्ष या कमांडरसह अनेक आतंकवादी ठार झाल्याचे सांगण्यात आले आहे; मात्र ‘हे आक्रमण पाकमध्ये नेमके कुठे करण्यात आले ?’, हे स्पष्ट झालेले नाही. यापूर्वी इराणने १६ जानेवारीलाही असेच आक्रमण केले होते. यावर प्रत्युत्तर म्हणून पाकिस्तानने इराणमध्ये हवाई आक्रमण केले होते. यानंतर दोन्ही देशांनी तणाव अल्प करण्याचे मान्य केले.

संपादकीय भूमिका

इराणने यापूर्वी अशा प्रकारचे आक्रमण केले होते; मात्र त्याचा पाकवर आणि तेथील आतंकवादी संघटना यांच्यावर कोणताच परिणाम झाला नाही, हे आता करण्यात आलेल्या आक्रमणातून लक्षात येते ! पाकचे शेपूट कितीही काही केले, तरी वाकडेच रहाणार आहे !