श्रीसत्‌शक्ति (सौ.) बिंदा नीलेश सिंगबाळ आणि श्रीचित्‌शक्ति (सौ.) अंजली मुकुल गाडगीळ यांच्या संदर्भात साधिकेला आलेल्या अनुभूती

१. ‘सत्संगाच्या ठिकाणी स्वतःमध्ये श्रीसत्शक्ति (सौ.) बिंदा सिंगबाळ यांचे अस्तित्व पूर्णरूपाने कार्यरत आहे’, असे जाणवणे आणि पुष्कळ भावजागृती होणे

‘मे मासात एका सत्संगाच्या आरंभी मी प्रार्थना करत असतांना ‘माझ्या ठिकाणी साक्षात् लक्ष्मीस्वरूप श्रीसत्‌शक्ति (सौ.) सिंगबाळ यांचेच अस्तित्व पूर्णरूपाने कार्यरत आहे’, असे मला जाणवले. ‘त्यांनी मला पवित्र केले’, असे मला वाटले. ‘मला माझ्या ठिकाणी श्रीसत्शक्ति (सौ.) सिंगबाळ याच प्रार्थना करत आहेत’, असे जाणवल्यामुळे माझी पुष्कळ भावजागृती झाली. जेव्हा मी प्रार्थना करण्यासाठी हात जोडत होते, तेव्हा मला हीच अनुभूती अधूनमधून येत होती. श्रीसत्शक्ति (सौ.) सिंगबाळ यांच्या चरणी कोटीशः कृतज्ञता !

२. श्रीसत्शक्ति (सौ.) सिंगबाळ आणि श्रीचित्‌शक्ति (सौ.) गाडगीळ यांच्याप्रतीचा भाव वाढून त्यांचे स्मरण होणे

ब्रह्मोत्सवानंतर गुरुदेवांच्या कृपेने श्रीसत्शक्ति (सौ.) सिंगबाळ आणि श्रीचित्‌शक्ति (सौ.) गाडगीळ यांच्याप्रती माझा भाव वाढला असून आता मला त्यांचे स्मरण होऊ लागले आहे. आता जेव्हा मी कुंकू लावते, तेव्हा माझा ‘श्रीसत्शक्तिदेव्यै नमः । ’, श्रीचित्‌शक्तिदेव्यै नमः ।’, असा नामजप आपोआप होऊ लागतो. त्यातून मला पुष्कळ आनंद अनुभवता येतो.

‘हे सर्व मला सच्चिदानंद परब्रह्म डॉ. आठवले, श्रीसत्शक्ति (सौ.) सिंगबाळ आणि श्रीचित्‌शक्ति (सौ.) गाडगीळ यांच्याच कृपेमुळे अनुभवता येत आहे. त्यासाठी मी तिन्ही गुरूंच्या चरणी कोटीशः कृतज्ञता व्यक्त करते.’

– सौ. सानिका संजय सिंह, वाराणसी आश्रम, उत्तरप्रदेश. (१८.८.२०२३)

सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे ‘सूक्ष्म’. साधनेत प्रगती केलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.

सूक्ष्मातील दिसणे, ऐकू येणे इत्यादी (पंच सूक्ष्मज्ञानेंद्रियांनी ज्ञानप्राप्ती होणे) : काही साधकांची अंतर्दृष्टी जागृत होते, म्हणजे त्यांना डोळ्यांना न दिसणारे दिसते, तर काही जणांना सूक्ष्मातील नाद किंवा शब्द ऐकू येतात.