साधिकेला नामजप करतांना सूक्ष्मातून दिसलेले दृश्य आणि जाणवलेली सूत्रे !

१. नामजप करतांना साधिकेला सूक्ष्मातून दिसलेले दृश्य

‘१०.२.२०२२ या दिवशी मी संध्याकाळी ४.४५ ते ५.४५ या वेळेत नामजपादी उपाय करत होते. त्या वेळी मला सूक्ष्मातून दिसले, ‘अनिष्ट शक्ती माझ्या दिशेने वेगाने काळी शक्ती सोडत आहेत. भुते आणि पिशाच ३ घंटे नाचत होते. माझ्यासमोर शिव रौद्र रूप धारण करत तांडव नृत्य करत आहे.’

२. आपत्काळाविषयी जाणवलेले सूत्र

तेव्हा मला जाणवले, ‘आता जो आपत्काळ येणार आहे, त्यात भीषण युद्ध होऊन अनिष्ट शक्तींचाही लय होणार आहे.

३. परात्पर गुरु डॉ. आठवले करत असलेले महान कार्य !

साधकांचे आध्यात्मिक त्रास दूर होणार आहेत. परात्पर गुरु डॉ. आठवले ईश्वरी राज्याची स्थापना करणार आहेत. हिंदु राष्ट्र (रामराज्य) स्थापन करण्यासाठी समाजातील अनेक जण एकत्र आल्याने लवकर रामराज्य येईल. विष्णु आणि विष्णु म्हणजेच परात्पर गुरु डॉ. आठवले साधनेचा सुवर्ण काळ लवकरात लवकर आणणार आहेत. महर्षींच्या माध्यमातून परात्पर गुरुदेवांचे आयुष्यही वाढणार आहे.’

‘परात्पर गुरुदेवांची ईश्वरी राज्य स्थापनेची तळमळ सर्वांमध्ये येवो’, ही माझी ईश्वरचरणी प्रार्थना आहे.’

– कु. मधुरा मोहन चतुर्भुज, सनातन आश्रम, रामनाथी, गोवा. (१०.२.२०२२)