एस्.टी. बससह चारचाकी गाड्यांवर दगडफेक करणार्‍या २ मुसलमानांना अटक !

कोल्हापूर – ३१ जानेवारीला सायंकाळी ५ वाजता एस्.टी. मधून सहलीला जाणार्‍या विद्यार्थ्यांच्या बसवर, तसेच तेथील परिसरातील चारचाकी वाहनांवर दगडफेक करण्यात आली होती. यात गाड्यांच्या काचा फुटून ३० सहस्र रुपयांची हानी झाली, तर एस्.टी. बसमधील २ विद्यार्थी घायाळ झाले होते. या प्रकरणी लक्ष्मीपुरी पोलिसांनी अन्वेषण करून जाफर मंजूर सिनदी आणि सुबेध शमशुद्दीन मुजावर या दोन मुसलमानांना अटक केली आहे, तसेच एका अल्पवयीन मुलास कह्यात घेतले आहे. त्यांच्यावर विविध कलमान्वये गुन्हा नोंद करण्यात आला आहे.