Indian Student Hammered To Death : अमेरिकेत विवेक सैनी या भारतीय विद्यार्थ्याची हातोड्याने ५० वार करून हत्या !

अटलांटा (अमेरिका) – अमेरिकेतील जॉर्जिया राज्यात विवेक सैनी नावाच्या एका २५ वर्षीय भारतीय विद्यार्थ्याची हत्या करण्यात आली आहे. ‘फॉक्स न्यूज’ने दिलेल्या माहितीनुसार विवेकने एका बेघर व्यक्तीला रहाण्यासाठी जागा दिली होती. कालांतराने विवेक सैनी यांनी त्याला जाण्यास सांगितले असता त्याचा राग मनात धरून त्या व्यक्तीने विवेकच्या डोक्यावर हातोड्याने ५० वार करून त्यांची निर्घृण हत्या केली. ज्युलियन फॉकनर असे या खुन्याचे नाव असून पोलिसांनी त्याला अटक केली आहे.

विवेक सैनी एका ‘फूड मार्ट’मध्ये काम करत होते. ज्युलियन हा या दुकानाबाहेर यायचा. विवेक आणि दुकानातील इतर कर्मचारी यांनी ज्युलियनला रहाण्यासाठी जागा दिली होती. १६ जानेवारी या दिवशी विवेकने त्याला जागा रिकामी करण्यास सांगितल्यावर रागाच्या भरात त्याने विवेकची हत्या केली.