Gujarat : वडोदरा (गुजरात) येथे इयत्ता चौथीच्या वर्गातील मुसलमान विद्यार्थ्याने वादातून हिंदु विद्यार्थ्यावर केले ब्लेडने आक्रमण !

मुसलमान विद्यार्थ्याच्या नातेवाइकांनी वर्गात घुसून हिंदु विद्यार्थ्यांना केली मारहाण !

वडोदरा (गुजरात) – येथील नागरवाडा भागातील जीवन साधना शाळेमध्ये इयत्ता चौथीत शिकणार्‍या एका हिंदु विद्यार्थ्यावर मुसलमान विद्यार्थ्याने वादातून ब्लेडद्वारे आक्रमण केले. यात हिंदु विद्यार्थी घायाळ झाला आहे. या घटनेची माहिती मिळाल्यावर पीडित हिंदु विद्यार्थ्याच्या पालकांनी मुख्याध्यापकांकडे तक्रार केली. त्यानंतर मुख्याध्यापकांनी मुसलमान विद्यार्थ्याच्या पालकांना शाळेत बोलावले, तेव्हा मुसलमान विद्यार्थ्याच्या कुटुंबातील दोघे जण तेथे आले. त्यांनी मुलाला ओरडण्याऐवजी वर्गात घुसून हिंदु विद्यार्थ्याला मारहाण करून त्याच्या मित्राचा गळा दाबण्याचा प्रयत्न केला. पोलिसांनी मुसलमान विद्यार्थ्याच्या या दोघा नातेवाइकांना अटक केली आहे.

ब्लेडच्या आक्रमणाच्या घटनेची माहिती स्थानिक बजरंग दलाच्या कार्यकर्त्यांना मिळाल्यावर ते शाळेत पोचले, तेव्हा प्रशासनाने प्रवेशद्वार बंद केल्याने त्यांना आत जाता आले नाही. त्यानंतर अन्य हिंदु विद्यार्थ्यांचे पालकही तेथे पोचले. त्यांनी एकत्र येऊन शाळेत प्रवेश केला आणि शाळेच्या विश्‍वस्तांना जाब विचारला. या वेळी विश्‍वस्तांनी या सर्वांना बाहेर जाण्यास सांगितले. शेवटी लोकांचा दबाव वाढल्याने पोलिसांत तक्रार करण्यात आली. यानंतर पोलिसांनी २ जणांना अटक केली.