हरियाणातील प्रसिद्ध गोरक्षक बिट्टू बजरंगी यांच्या भावाला जिवंत जाळण्याचा धर्मांधांचा प्रयत्न !  

बजरंगी यांच्या भावाची प्रकृती चिंताजनक !

नूंह (हरियाणा) – येथे श्रावण मासामध्ये झालेल्या हिंसाचाराच्या प्रकरणी अटक करण्यात आलेले गोरक्षक बिट्टू बजरंगी यांचा भाऊ महेश पांचाल यांच्यावर पेट्रोल ओतून त्यांना जिवंत जाळण्याचा प्रयत्न करण्यात आला. यात ते ६० टक्के भाजले असून त्यांच्यावर रुग्णालयात उपचार चालू आहेत. त्यांची प्रकृती चिंताजनक आहे. या प्रकरणातील एका आरोपीचे नाव अरमान आहे. त्याने महेश यांना विचारले, ‘तू बिट्टू बजरंगी याचा भाऊ आहेस का ?’ यावर महेश यांनी ‘हो’ असे उत्तर दिल्यावर अरमान आणि त्याचे साथीदार यांनी महेश यांच्यावर पेट्रोल ओतून आग लावली.

बिट्टू बजरंगी यांच्यावर २ मुसलमान गोतस्करांना एका वाहनामध्ये जिवंत जाळून मारल्याचा आरोप आहे. त्यावरूनच त्यांच्या भावावर हे आक्रमण झाल्याचे म्हटले जात आहे.

 (सौजन्य : City Tehelka)