पुणे येथे हत्येचा प्रयत्न केल्याच्या प्रकरणी पोलीस अधिकारी आणि कर्मचारी यांच्यावर गुन्हा नोंद !

पुणे – हत्येचा प्रयत्न केला म्हणून मुंढवा पोलीस ठाण्याचे साहाय्यक पोलीस निरीक्षक समीर करपे, उपनिरीक्षक धनंजय गाडे आणि कर्मचारी वैशाली बनकर यांच्या विरोधात हडपसर पोलीस ठाण्यात गुन्हा नोंदवण्यात आला आहे. या प्रकरणी एका महिलेने अतिरिक्त पोलीस आयुक्त रंजनकुमार शर्मा यांच्याकडे तक्रार प्रविष्ट केली होती. मुंढवा पोलीस ठाण्यात एका प्रकरणात योगेश डेरे यांच्या विरोधात हत्येचा प्रयत्न केला म्हणून गुन्हा नोंद आहे. गुन्हा नोंद झाल्यापासून तो पसार आहे. त्याच्या अन्वेषणासाठी कुटुंबियांना पोलीस ठाण्यात बोलावण्यात आले होते. त्या वेळी सदर महिलेने पोलिसांनी मारहाण आणि हत्येचा प्रयत्न केल्याची तक्रार केली होती.