Conversion Of Hindus : मंत्र-तंत्र करण्याच्या नावाखाली हिंदूंचे धर्मांतर करणार्‍या मौलवी सरफराझला अटक !

हिंदु कुटुंबाच्या खडतर जीवनाचा अपलाभ उठवून केले धर्मांतर !

(मौलवी म्हणजे इस्लामचा धार्मिक नेता)

गाझियाबाद (उत्तरप्रदेश) – येथे सरफराझ नावाचा मौलवी मंत्र-तंत्र करण्याच्या नावाखाली हिंदूंचे धर्मांतर करत असल्याचे समोर आल्यानंतर पोलिसांनी त्याला अटक केली. वर्ष २०१७ मध्ये त्याने एका हिंदु महिलेच्या खडतर जीवनाचा अपलाभ उठवत तिला हिंदु धर्म सोडून इस्लाम स्वीकारण्यास भाग पाडले. त्या वेळी तिची दोन्ही मुले अल्पवयीन होती. १८ वर्षांहून अधिक वय झाल्यानंतर आता पीडित महिलेच्या मुलाने पोलिसांत तक्रार करून संबंधित मौलवीवर धर्मांतराचे आरोप केले. त्यामुळे पोलिसांनी त्वरित गुन्हा नोंदवून मौलवीला अटक केली आहे.

तक्रारदार मुलाने सांगितले की, माझ्या आईने इस्लाम स्वीकारल्यानंतर आम्हालाही इस्लाम स्वीकारावा लागला. आम्ही ४ वर्षे इस्लामच्या चालीरिती पाळल्या; परंतु आता मात्र आम्ही पुन: हिंदु धर्मात प्रवेश केला आहे.