कराची (पाकिस्तान) येथे भारतविरोधी सभेसाठी जात असतांना आतंकवादी मौलानाची ‘अज्ञातां’कडून हत्या

कराची (पाकिस्तान) – पाकिस्तानमध्ये आणखी एका भारतविरोधी आतंकवाद्याची हत्या करण्यात आली आहे. अज्ञातांनी येथील औरंगा टाऊन भागात जैश-ए-महंमद या आतंकवादी संघटनेचा आतंकवादी मौलाना तारीक रहीम उल्लाह याला गोळ्या झाडून ठार मारले. भारतविरोधी सभेमध्ये भाग घेण्यासाठी जात असतांना त्याच्यावर गोळ्या झाडण्यात आल्या. तारिक हा पाकिस्तानमधील एक प्रसिद्ध मौलाना (मौलाना म्हणजे इस्लामचा अभ्यासक) होता. त्याचे भाषण ऐकण्यासाठी सहस्रो लोकांची गर्दी व्हायची.

पाक, ब्रिटन आणि कॅनडा या देशांमधध्ये भारतविरोधी आतंकवाद्यांच्या हत्यांचे सत्रामध्ये ही २० वी हत्या असल्याचे म्हटले जात आहे. आतापर्यंत पाकमध्ये लष्कर-ए-तोयबाच्या आतंकवाद्यांना ठार मारण्यात आले होते. आता जैश-ए-महंमदचाही आतंकवादी मारला गेला आहे.