बंगालमध्ये भाजपच्या नेत्याची हत्या

कोलकाता – बंगालमधील बांकुरामधील निधिरामपूर गावात भाजपचे नेते दीपू मिश्रा यांची हत्या करून मृतदेह झाडाला लटकवल्याचे आढळून आले. दीपू मिश्रा यांचे हात बांधलेले होते. या घटनेमुळे भाजपच्या कार्यकर्त्यांमध्ये संतापाचे वातावरण निर्माण झाले असून त्यांनी राज्यातील तृणमुल काँग्रेस सरकारचा निषेध केला. पोलीस या प्रकरणाचे अन्वेषण करत आहेत.

या घटनेनंतर गावातील लोकही संतप्त झाले आहेत. पोलीस घटनास्थळी पोचताच गावातील लोकांनी शासकीय वाहनाला घेराव घालून आंदोलन चालू केले. संतप्त लोकांनी पोलिसांच्या वाहनाची तोडफोड केली.