रायबरेली येथे ५५ वर्षीय पीर महंमदकडून ९ वर्षीय हिंदु मुलीवर बलात्कार !

रायबरेली (उत्तरप्रदेश) – येथील एका ९ वर्षीय हिंदु दलित मुलीवर ५५ वर्षीय पीर महंमद नावाच्या मुसलमान व्यक्तीने बलात्कार केला. बलात्कारानंतर मुलीची प्रकृती खालावली असून तिला उपचारांसाठी लक्ष्मणपुरीला पाठवण्यात आले आहे. बलात्कार केल्यानंतर पीर महंमद पसार झाला असून पोलीस त्याचा शोध घेत आहेत.

प्रसारमाध्यमांनी दिलेल्या वृत्तानुसार, रायबरेलीतील एका गावात रहाणार्‍या एका हिंदु दलित महिलेने तिच्या ९ वर्षांच्या मुलीवर पीर महंमद याने बलात्कार केल्याची तक्रार पोलिसांत प्रविष्ट केली. त्यात म्हटले होते की, त्यांची मुलगी संध्याकाळी घराबाहेर खेळत होती. या वेळी पीर महंमद तेथून चालला होता. मुलगी एकटी असल्याचे पाहून त्याने तिला फूस लावून जवळच्या शेतात नेेले आणि तिच्यावर बलात्कार केला. पीडित मुलीच्या रडण्या-ओरडण्याचा आरोपीवर काहीच परिणाम झाला नाही. त्याने मुलीला रक्तबंबाळ अवस्थेत शेतात सोडून पळ काढला. बराच वेळ मुलीचा पत्ता न लागल्याने कुटुंबीय तिला शोधत शेतात गेले असता त्यांना मुलगी घायाळ अवस्थेत रडत असल्याची दिसली. पीडित मुलीवर रुग्णालयात उपचार चालू आहेत.

या प्रकरणी पोलिसांनी आरोपी पीर महंमद याच्याविरुद्ध ‘पॉक्सो’ कायद्याच्या अंतर्गत गुन्हा नोंदवला आहे. आरोपीला लवकरच अटक करू, असे पोलिसांनी सांगितले.