कॅनडामध्ये खलिस्तान्यांनी दसर्‍याच्या दिवशी पंतप्रधान मोदी यांचा राष्ट्रध्वज गुंडाळेला पुतळा जाळला !

वरील चित्र प्रसिद्ध करण्यामागे कुणाच्याही राष्ट्रीय भावना दुखावण्याचा हेतू नाही. माहितीसाठी हे चित्र प्रसिद्ध केले आहे. – संपादक

ओटावा (कॅनडा) – येथे दसर्‍याच्या दिवशी खलिस्तान्यांनी भारताचे पंतप्रधान नरेंद्र मोदी यांचा पुतळा जाळला. या पुतळ्याला भारताचा राष्ट्रध्वज गुंडाळण्यात आला होता. याखेरीज येथील भारतीय दूतावासातील काही अधिकार्‍यांचेही पुतळे जाळण्यात आले. या वेळी भारत आणि हिंदु विरोधी घोषणाही देण्यात आल्या. यापूर्वी जून मासातही खलिस्तान्यांनी अशा प्रकारे पुतळे जाळले होते.