अमेरिकेत झालेल्या गोळीबारात २२ जण ठार !

गोळीबार करणारा अद्यापही पसार !

वॉशिंग्टन (अमेरिका) – अमेरिकेच्या लेविस्टन येथे २५ ऑक्टोबरच्या रात्री एका उपाहारगृहात करण्यात आलेल्या गोळीबारात २२ जण ठार झाले, तर ६० जण घायाळ झाले. घायाळांपैकी काही जणांनी प्रकृती चिंताजनक आहे. गोळीबार करणारा अद्याप पसार असल्याने पोलिसांनी नागरिकांना घरातच रहाण्याचे आवाहन केले आहे. गोळीबार करणार्‍याचे नाव रॉबर्ट कार्ड असल्याचे सांगण्यात येत आहे. या गोळीबारामागील कारण अद्याप समजू शकलेले नाही. रॉबर्ट कार्ड याने ३ वेगवेगळ्या ठिकाणी गोळीबार केल्याचे सांगितले जात आहे.

सौजन्य डीएनएइंडिया न्यूज