मुंबईत लोकल ट्रेन आणि बस थांबे यांवर उघडपणे लावली आहेत ‘वशीकरण स्पेशालिस्ट’ म्हणून मुसलमान बाबाची विज्ञापने !

निराश महिलांना संपर्क करण्याचे आवाहन !

मुंबई, १४ ऑक्टोबर (वार्ता.) – मुंबईतील लोकल ट्रेन आणि बस थांबे यांवर उघडपणे ‘वशीकरण स्पेशालिस्ट’ (वशीकरण तज्ञ) म्हणून मुसलमान बाबाची विज्ञापनाची मोठ्या प्रमाणात लावण्यात आली आहेत. विशेष म्हणजे या विज्ञापनामध्ये ‘निराश माता-भगिनी यांनी एकदा अवश्य संपर्क करावा’, असे आवाहनही करण्यात आले आहे. वशीकरणाची उघडपणे विज्ञापने करूनही या प्रकरणी पोलीस किंवा रेल्वे प्रशासन यांच्याकडून कोणतीही कारवाई करण्यात आल्याचे आढळलेले नाही.

‘प्रेमात फसवणूक, ग्रहदोष, तसेच आपणाला कोणतीही समस्या असल्यास त्वरित संपर्क करा’, असे आवाहन करून संपर्कासाठी या विज्ञापनात रजा खान नामक व्यक्तीचा ‘८४४६८८५१६४’ हा संपर्क क्रमांक देण्यात आला आहे. ‘मनाप्रमाणे प्रेम, लग्न, व्यवहार, आई-वडील यांना सिद्ध (राजी) करणे, सवत-शत्रू यांच्यापासून सुटका, नोकरी, घरातील भांडणे, मूल न होणे, कर्ज, आजारपण, करणी यांवर खात्रीलायक उपचार केले जातील’, असे या विज्ञापनात म्हटले आहे. मध्य, पश्‍चिम आणि हार्बर या तिन्ही मार्गांवरील लोकल ट्रेनमध्ये, तसेच मुंबईतील अनेक बसथांबांवर ही पत्रके मोठ्या प्रमाणात लावण्यात आली आहेत. (हिंदूंच्या धार्मिक विधींना ‘अंधश्रद्धा’ म्हणून हिणवणारे अंनिसवाले या प्रकरणी काही करणार का ? – संपादक)