उन्नाव (उत्तरप्रदेश) येथे जावेद याने ‘बाबा बोधेश्‍वर महादेव मंदिरा’त घुसून ३ श्रद्धाळूंवर लाठीने केले आक्रमण !

उन्नाव (उत्तरप्रदेश) – जिल्ह्यातील बांगरमऊ गावात जावेद नावाच्या एका मुसलमान युवकाने येथील ऐतिहासिक बाबा बोधेश्‍वर महादेव मंदिरात घुसून ३ श्रद्धाळूंवर लाठीने आक्रमण केले. यामध्ये ते तिघे गंभीर घायाळ झाले असून त्यांना रुग्णालयात भरती करण्यात आले आहे. मिलन, कैलाश आणि कृष्ण कुमार अशी घायाळ झालेल्यांची नावे असून जावेदला अटक करण्यात आली आहे.

या घटनेमुळे संतप्त झालेल्या हिंदूंनी गावात ‘रस्ता रोको’ आंदोलन केले. जावेदच्या विरोधात कठोर कारवाई करण्याची मागणी या वेळी केली जात होती. पोलिसांनी हिंदूंना यासंदर्भात आश्‍वस्त केल्यावर परिस्थिती नियंत्रणात आली.

(सौजन्य : India Today)