पुणे – शहरात २० सप्‍टेंबर या दिवशी दीड दिवसांच्‍या श्री गणेशमूर्तींचे विसर्जन केले जात होते; मात्र नदीपात्रातील नाना-नानी उद्यानासमोरील विसर्जन कृत्रिम हौदात अस्‍वच्‍छ पाणी, तसेच कचरा असल्‍याने अनेक भाविकांनी तेथे मूर्ती विसर्जन न करता श्री गणेशमूर्ती पुन्‍हा घरी नेण्‍याचा निर्णय घेतला. महापालिकेच्‍या नियोजनशून्‍य कारभारामुळे भाविकांना मन:स्‍ताप सहन करावा लागला.
दीड दिवसांच्‍या गणरायाच्‍या विसर्जनासाठी अनेक नागरिक महापालिकेच्‍या आवाहनाला प्रतिसाद देत नाना पार्क, तसेच अमृतेश्‍वर विसर्जन घाटाजवळ कृत्रिम हौदात विसर्जनासाठी मूर्ती घेऊन आले; मात्र या हौदात पाणी तळाला होते, तसेच ते पाणी गढूळ झाले होते, त्‍यामध्‍ये कचराही पडला होता. नागरिकांना तक्रार केल्‍यानंतर हौदात पाणी ओतण्‍यात आले; मात्र त्‍यात घाण असल्‍याने ती घाण पाण्‍यावर तरंगत वर आली. परिणामी अप्रसन्‍न झालेल्‍या गणेशभक्‍तांनी घरी अथवा इतर ठिकाणी जाण्‍याचा निर्णय घेतला.
| पर्यावरणपूरक गणेशोत्‍सवासाठी आम्‍ही शाडूच्‍या मातीची मूर्ती आणली. मूर्ती विसर्जनासाठी आम्‍ही हौदाकडे गेलो; मात्र प्रत्‍यक्षात हौदात घाण पाणी आणि कचरा होता. त्‍यामुळे आम्‍ही घरीच मूर्ती विसर्जनासाठी जात आहोत. महापालिकेने अशा प्रकारे आमच्‍या भावनांशी खेळू नये. – एक गणेशभक्‍त |
संपादकीय भूमिका :महापालिका प्रशासन आणखी किती वेळा अशा पद्धतीने गणेशाचा अवमान करणार आहे ? याविषयी संबंधित अधिकारी आणि कर्मचारी यांच्‍यावर कठोर कारवाई करायला हवी. नदीला मुबलक पाणी असल्‍याने वहात्‍या पाण्‍यात गणेशमूर्तींचे विसर्जन केले, तर शास्‍त्राला धरून कृती होईल. |
विकसित महाराष्ट्राचा संकल्प पूर्ण करण्यासाठी जनता महायुतीला निवडून देणार ! – प्रभाकर सावंत, जिल्हाध्यक्ष, भाजप
मुंबईत पोलीस निरीक्षकावर आक्रमणकर्त्याच्या विरोधात गुन्हा नोंद !
पुणे महापालिकेच्‍या आवारात शिरस्त्राणसक्ती करण्याचा आदेश !
मंदिरांवरील विविध आघातांच्या विरोधात संघटित झालो, तरच हिंदु संस्कृती टिकेल !
१५ मिनिटांचे एकच उत्तर – १०० टक्के मतदान !
जोपर्यंत देशात अखंड एकता आहे, तोपर्यंत भारताला कुणीही तोडू शकत नाही ! – माधवी लता, भाजप नेत्या