वाडा (पालघर) येथे गोतस्करांचे पोलिसांवर आक्रमण !

एक महिला अटकेत, तर दोघे पसार !

ठाणे, १० सप्टेंबर (वार्ता.) – जिल्ह्यातील वाडा तालुक्यातील वडवली या गावात ५ गोवंशियांना क्रूरपणे डांबून ठेवण्यात आले आहे, अशी माहिती गुन्हे प्रकटीकरण शाखा आणि वाडा पोलीस यांना मिळाली होती. पोलिसांनी गोतस्करांवर टाकलेल्या धाडीत फौजान लोनबाल, रुबिना लोनबाल आणि तेथील काम करणारा कामगार साईनाथ या तस्करांनी पोलिसांवर आक्रमण केले. यात सचिन भोये हे पोलीस कर्मचारी घायाळ झाले होते. त्यांच्यावर रुग्णालयात उपचार करून त्यांना घरी सोडण्यात आले. या प्रकरणी रुबिना लोनबाल हिला अटक करण्यात आली असून अन्य २ आरोपी पसार झाले आहेत. पोलीस त्यांचा कसून शोध घेत आहेत.

या धाडीत पोलिसांना गोमांसही मोठ्या प्रमाणात आढळून आले; मात्र ते भूमीत पुरण्यात आले असल्याचे सांगण्यात येत आहे. याविषयी पोलीस अन्वेषण करत आहेत.