आझमगड (उत्तरप्रदेश) येथे हिंदूंचे धर्मांतर करण्याचा प्रयत्न करणार्‍या ५ ख्रिस्ती महिलांना अटक

आझमगड (उत्तरप्रदेश) – जिल्ह्यातील सिकंदर पट्टी गावामध्ये हिंदूंचे धर्मांतर करण्याचा प्रयत्न करणार्‍या ५ ख्रिस्ती महिलांना अटक करण्यात आली. प्रार्थनासभांच्या नावाखाली लोकांना ख्रिस्ती बनवल्याचा त्यांच्यावर आरोप आहे.

१. प्रसारमाध्यमांनी दिलेल्या माहितीनुसार सिकंदर पट्टी गावातील ब्रिजेश पांडे यांनी त्यांच्या गावात चालू असलेल्या धर्मांतराची माहिती पोलिसांना दिली. ‘विजय बिंद्रा नावाच्या व्यक्तीच्या शेतात बांधलेल्या घरात काही लोक जमले आहेत आणि हिंदूंच्या देवतांचा अवमान करणारे संगीत वाजवत आहेत’, असे त्यांनी तक्रारीत म्हटले होते.

२. या तक्रारीच्या आधारे पोलीस घटनास्थळी पोचले. झडतीच्या वेळी पोलिसांना काही आक्षेपार्ह साहित्य, छायाचित्रे आणि वाद्ये सापडली. धमकावणे आणि आमीष दाखवून धर्मांतरासाठी प्रवत्त करणे या आरोपांखाली पोलिसांनी ५ महिलांना अटक केली. आरोपी महिला सुलतानपूर आणि जौनपूर जिल्ह्यातील रहिवासी आहेत.

आजमगढ़ में ईसाई धर्मांतरण करवाती 5 महिलाएँ गिरफ्तार; मज़हबी साहित्य बरामद… बहराइच में बजरंग दल पदाधिकारी पर पादरी का हमला#UttarPradeshhttps://t.co/45b1Tn2boW

— ऑपइंडिया (@OpIndia_in) July 12, 2023