ज्‍येष्‍ठ शिवसैनिक विजय गावकर यांचे निधन

मुंबई – शिवसेनेचे परळचे पहिले शाखाप्रमुख आणि माजी नगरसेवक विजय गावकर यांचे वृद्धापकाळाने निधन झाले. ते ७९ वर्षाचे होते. त्‍यांच्‍या पार्थिवावर भोईवाडा स्‍मशानभूमीत अंत्‍यसंस्‍कार करण्‍यात आले. या वेळी परळ, शिवडी, लालबाग भागातील अनेक ज्‍येष्‍ठ शिवसैनिक उपस्‍थित होते. शिवसेनेच्‍या आरंभीच्‍या काळात शिवसेना वाढवणे, आंदोलने करणे आदींत त्‍यांचा मोठा वाटा होता. कडवे शिवसैनिक म्‍हणून ते प्रसिद्ध होते.