मंत्री चंद्रकांत पाटील यांनी त्यागपत्र द्यावे ! – उद्धव ठाकरे गट

कोल्हापूर, १२ एप्रिल (वार्ता.) – राज्याचे उच्च आणि तंत्र शिक्षणमंत्री चंद्रकांत पाटील यांनी आयोध्येतील बाबरी मशीद पाडण्यात शिवसेनेचा काही संबंध नव्हता, असे वक्तव्य केले होते. या वक्तव्याचा निषेध करून मंत्री चंद्रकांत पाटील यांनी त्यागपत्र द्यावे, या मागणीसाठी उद्धव ठाकरे गटाने १२ एप्रिलला छत्रपती शिवाजी महाराज पुतळा चौक येथे निदर्शने केली. या वेळी जिल्हाप्रमुख विजय देवणे, शहरप्रमुख रविकिरण इंगवले, शहरप्रमुख सुनील मोदी, करवीर तालुकाप्रमुख राजू यादव, उपशहरप्रमुख शशी बिडकर, युवासेनेचे मंजित माने यांसह अन्य पदाधिकारी, कार्यकर्ते उपस्थित होते.