केंद्रीय गृहमंत्री अमित शहा १६ एप्रिलला गोव्यात !

फोंड्यात होणार सार्वजनिक सभा

पणजी, १० एप्रिल (वार्ता.) – केंद्रीय गृहमंत्री अमित शहा १६ एप्रिलला गोव्यात येणार असून याच दिवशी त्यांची फोंडा येथे सार्वजनिक सभा आयोजित करण्यात आली आहे. लोकसभा निवडणूक २०२४ च्या प्रचाराच्या दृष्टीने ही सभा होणार आहे.

या सभेचे स्थळ अद्याप ठरलेले नाही. सभेसाठी आम्ही फर्मागुडी, शिरोडा बगलमार्ग अशी २-३ स्थळे पाहिली असल्याचे भाजपचे गोवा प्रदेशाध्यक्ष सदानंद शेट तानावडे यांनी सांगितले. या कालावधीत शहा भाजपच्या मुख्य कार्यकर्त्यांसमवेतही संवाद साधणार आहेत.