गढवा (झारखंड) येथील मदरशाच्या मौलवीने केला ६ मुलांवर बलात्कार !

गुन्हा नोंद झाल्यापासून फरार !

(मौलवी म्हणजे इस्लामी अभ्यासक)

गढवा (झारखंड) – येथील कोइंसी गावात असलेल्या मदरशातील समरुद्दीन नावाच्या मौलवीने जवळपास ६ मुलांवर बलात्कार केल्याचा गुन्हा नोंद करण्यात आला आहे. गुन्हा नोंद झाल्यापासून तो फरार आहे. त्याची कुकृत्ये तेव्हा समोर आली, जेव्हा १९ फेब्रुवारीच्या रात्री त्याने ३ विद्यार्थ्यांना त्याच्या खोलीत बोलावले. थोड्या वेळाने अन्य दोघांना बाहेर पाठवून तिसर्‍या मुलाला त्याची मालीश करायला सांगून त्याच्यावर बलात्कार करण्याचा प्रयत्न केला. पीडित मुलाने सर्व घटनाक्रम त्याच्या घरी जाऊन सांगितला. तेव्हा त्याचे कुटुंबीय आणि गावकरी यांनी येऊन मौलवीला यासंदर्भात खडसवले. या वेळी मौलवीने त्याच्या समर्थकांना एकत्र करून गावकर्‍यांचा विरोध करायला आणि पीडित मुलाच्या कुटुंबियांना मारहाण करायला आरंभ केला. पोलिसांनी घटनास्थळी धाव घेऊन परिस्थिती नियंत्रणात आणली.

Jharkhand: Maulvi sexually assaults six students in a madarsa on the pretext of getting a massage, attacks family members when they complain
https://t.co/mOGNBJ4HqI

— OpIndia.com (@OpIndia_com) February 22, 2023

यानंतर पोलिसांनी पीडित मुलांचा जबाब नोंदवून मौलवीच्या विरोधात गुन्हा नोंदवला. तेव्हापासून तो फरार आहे. स्थानिक प्रसारमाध्यमांनी दिलेल्या माहितीनुसार समरुद्दीन हा मूळचा बंगाल येथील असून गेल्या अनेक वर्षांपासून दारुल उलूम सामसिया नावाच्या मदरशात मुलांना शिकवतो. या मदरशात एकूण ५० मुले शिक्षण घेतात.