मुंबई – सध्‍या मातृदिन, पितृदिन, महिलादिन, कन्‍यादिन, योगदिन असे विविध दिवस साजरे केले जातात. आता राज्‍यातील सर्व शाळांमध्‍ये ‘आजी-आजोबा दिवस’ साजरा केला जाणार आहे. याविषयी शासन निर्णय झाला असून त्‍याचे परिपत्रकही लागू करण्‍यात आले आहे. प्रत्‍येक वर्षी सप्‍टेंबच्‍या पहिल्‍या सोमवारनंतर येणार्‍या रविवारी ‘आजी-आजोबा दिवस’ साजरा केला जातो. त्‍या अनुषंगाने यंदा १० सप्‍टेंबर २०२३ या दिवशी ‘आजी-आजोबा’ दिवस आहे.
राज्‍य, जिल्‍हा आणि शाळास्‍तरांवर अन् त्‍यानंतरच्‍या कार्यालयीन दिवशी ‘आजी-आजोबा’ दिवस साजरा करण्‍यात यावा, तसेच या प्रस्‍तावित दिवशी या कार्यक्रमाचे आयोजन करता न आल्‍यास शाळेने आपल्‍या सोयीप्रमाणे वर्षातून एक दिवस ‘आजी-आजोबा’ दिवस म्‍हणून साजरा करावा, असे शासन निर्णयात म्‍हटले आहे.
विविध उपक्रम राबवण्‍याच्‍या सूचना !आजी-आजोबांसाठी राबवायचे उपक्रम ! १. सर्व विद्यार्थ्‍यांनी आपल्‍या आजी-आजोबांचा परिचय करून द्यावा. २. आजी-आजोबांच्‍या मनोरंजनासाठी संगीत, गायन, वादन, चित्रकला आणि नृत्‍य असे कार्यक्रम आयोजित करावेत. ३. विटीदांडू, संगीत आसंदी असे खेळही ठेवण्‍यास हरकत नाही. यामुळे बालपणीच्‍या आठवणींना उजाळा मिळेल. ४. आजी-आजोबांसमवेत शाळेतील शिक्षकांनीही सहभाग घ्‍यावा. ५. पारंपरिक वेशभूषेमध्‍ये आजी-आजोबांना बोलवावे. ६. महिलांसाठी मेहंदी आणि वेगवेगळ्‍या उपक्रमांचे आयोजन करण्‍यात यावे. ७. शाळेतील विद्यार्थ्‍यांनीही आपल्‍या लाडक्‍या आजी-आजोबांसाठी या वेळी कलाकृती सादर कराव्‍यात. ८. ‘आजीच्‍या बटव्‍या’चे महत्त्व विद्यार्थ्‍यांना सांगावे. झाडे लावणे आणि पर्यावरणाचे महत्त्वही विद्यार्थ्‍यांना सांगावे. |
केंद्रीय अर्थसंकल्पासाठी मुख्यमंत्री डॉ. सावंत यांच्याकडून गोव्यातील मागण्या सुपुर्द
कर्नाटक येथून अनधिकृतपणे गोमांस आणल्याच्या संशयावरून गोरक्षक गाडीची पहाणी आणि चौकशी यांसाठी गेले असतांना झाले आक्रमण !
विधानसभेत हिंदूंना बंधूभावाचे धडे देणार्या अबू आझमी यांना मंत्री नीतेश राणे यांनी खडसावले !
पुढील २ दिवसांमध्ये मंत्रीमंडळ खाते वाटप होईल ! – मंत्री गुलाबराव पाटील
विधीमंडळाच्या पायर्यांवर बनावट औषध विरोधात विरोधकांचे आंदोलन !
भाजपचे मंत्री शिवेंद्रसिंहराजे भोसले यांचे आज सातारा येथे भव्य स्वागत !