ओडिशाच्या आरोग्यमंत्र्यांचा त्यांच्या सुरक्षेसाठी असलेल्या पोलिसाने केलेल्या गोळीबारात मृत्यू !

आरोग्यमंत्र्यांची प्रकृती चिंताजनक

ब्रजराजनगर (ओडिशा) – येथे गांधी चौकात आयोजित एका कार्यक्रमाच्या वेळी ओडिशाचे आरोग्यमंत्री नब दास यांच्यावर त्यांच्या सुरक्षेतील साहाय्यक पोलीस उपनिरीक्षक गोपाल दास याने गोळ्या झाडल्या. यामुळे दास गंभीररित्या घायाळ झाले. त्यांना तात्काळ विमानातून भुवनेश्वर येथील रुग्णालयात नेण्यात आले. तेथे उपचाराच्या वेळी त्यांचे निधन झाले.

दास यांच्या छातीत ४- ५ गोळ्या लागल्याचे सांगण्यात येत आहे. राज्याचे मुख्यमंत्री नवीन पटनायक यांनी रुग्णालयात जाऊन त्यांच्या प्रकृतीची माहिती डॉक्टरांकडून घेतली होती. या गोळीबारामागील कारण अद्याप स्पष्ट झालेले नाही. पोलिसांनी गोपाल दास याला अटक केली आहे.