‘महाराष्ट्राला धोका मंत्र्यांना खोका’ घोषणा देत विरोधकांचे आंदोलन !

नागपूर, २९ डिसेंबर (वार्ता.) – ‘त्यागपत्र द्या, त्यागपत्र द्या.. भ्रष्ट मंत्री त्यागपत्र द्या’, ‘विदर्भ हैराण, सत्ताधारी खातो गायरान’, ‘खाऊन खाऊन ५० खोके.. माजले बोके, माजले बोके’ अशा घोषणा देत महाविकास आघाडीतील आमदारांनी सत्ताधार्‍यांविरोधात २९ डिसेंबर या दिवशी विधानभवनाच्या पायर्‍यांवर निदर्शने केली. या वेळी आमदारांनी हातात ‘टेलीबर्डचे बोके आणि खाली खोके’ हे लिहिलेले फलक हातात घेऊन सरकारचा निषेध केला.