नागपूर, १९ डिसेंबर (वार्ता.) – महाराष्ट्र-कर्नाटक सीमा भागातील ज्या गावांमध्ये कर्नाटक राज्यात जाण्याचे ठराव करण्यात आले आहेत, त्यांच्यामागे कोणत्या पक्षाचे लोक आहेत, याची माहिती आम्हाला पोलिसांनी दिली आहे. कर्नाटकचे मुख्यमंत्री यांच्या ‘बोगस ट्वीट’ मागेही कोणते राजकीय पक्ष आहेत, याची माहितीही आमच्याकडे असल्याचे नमूद करत महाराष्ट्रातीलच काही राजकीय पक्ष सीमावाद चिघळवत असल्याची धक्कादायक माहिती मुख्यमंत्री एकनाथ शिंदे यांनी विधानसभेत दिली.
हिवाळी अधिवेशनाच्या पहिल्याच दिवशी विधानसभेच्या कामकाजाला प्रारंभ होताच विरोधी पक्षनेते अजित पवार यांनी महाराष्ट्र-कर्नाटक सीमाभागात कर्नाटक सरकारकडून मराठी भाषिकांवर चालू असलेल्या दडपशाहीचे सूत्र उपस्थित करत ‘कर्नाटक सरकारची दडपशाही खपवून घेऊ नका’, असे आवाहन केले. यावर मुख्यमंत्र्यांनी वरील माहिती दिली.
या वेळी ‘महाविकास आघाडीच्या अडीच वर्षांच्या सत्ताकाळात महाराष्ट्र-कर्नाटक सीमाभागातील विविध शासकीय योजना बंद करण्यात आल्या. तेच पक्ष मराठी भाषिकांवरील अन्यायाविषयी बोलत आहेत. आम्ही सत्तेत आल्यावर या सर्व योजना पुन्हा चालू केल्या आहेत. सीमावादाच्या प्रश्नावर सर्व राजकीय पक्षांनी मराठी भाषिकांच्या मागे एकत्रित उभे रहायला हवे. सीमाप्रश्नावरून कुणीही राजकारण करू नये. राजकारणासाठी अन्यही सूत्रे आहेत’, असेही ते या वेळी मुख्यमंत्री शिंदे यावेळी म्हणाले.
थोडक्यात महत्त्वाचे
२४ आणि २५ डिसेंबर या दिवशी श्री साई पालखी निवारा येथे होत असलेल्या मंदिर परिषदेची सिद्धता अंतिम टप्प्यात !
‘सेरेंडिपिटी कला महोत्सवा’त हिंदूंच्या मंदिरांची छायाचित्रे आणि माहिती प्रदर्शित
सिंधुदुर्ग जिल्ह्यात महाराष्ट्राचे मत्स्य व्यवसाय आणि बंदरे विकासमंत्री नितेश राणे यांचे भव्यदिव्य स्वागत
विकसित महाराष्ट्रातील लोकांना कामासाठी स्थलांतरित व्हावे लागणे गंभीर ! – न्यायमूर्ती नितीन बोरकर, उच्च न्यायालय, मुंबई
हसापूर (गोवा) येथील श्री सातेरी देवस्थानच्या जत्रेमध्ये मुसलमानांना दुकाने लावण्यास देवस्थान समितीकडून बंदी