९६ दिवसांपासून कतारच्या कारागृहात बंद आहेत भारतीय नौदलाचे ८ माजी सैनिक !

दोहा (कतार) – गेल्या ९६ दिवसांपासून भारतीय नौदलाच्या ८ माजी सैनिकांना कतारने कारागृहात टाकले आहे. भारत सरकारकडून विविध प्रयत्न करूनही कतार त्यांची सुटका करण्यास सिद्ध नाही. आता या माजी सैनिकांना स्थानिक न्यायालयाने आणखी १ मास कारागृहात ठेवण्याचा आदेश दिला आहे. ‘या माजी सैनिकांना कोणत्या आरोपाच्या अंतर्गत अटक करण्यात आली आहे’, हेही कतारने स्पष्ट केलेले नाही. ३० ऑगस्टला या ८ जणांना कतारने अटक केली होती. हे सर्वजण सेवानिवृत्तीनंतर कतारच्या एका खासगी आस्थापनामध्ये नोकरी करत होते.