शेंदूरवादा (जिल्हा संभाजीनगर) येथील श्रीकृष्णाच्या मंदिरातून पुरातन मूर्तीची चोरी !

संभाजीनगर – जिल्ह्यातील गंगापूर तालुक्यातील शेंदूरवादा मंदिरातील १६ व्या शतकातील श्रीकृष्णाची पुरातन मूर्ती चोरीला गेली आहे. ही घटना ६ ऑक्टोबरच्या रात्री घडली. त्यामुळे भाविक संतप्त आहेत. गेल्या काही मासांतील राज्यातील मूर्ती चोरीची ही तिसरी घटना आहे.

मूर्ती शोधण्याचे मोठे आव्हान पोलिसांसमोर आहे. पोलीस मूर्तीचा शोध घेत आहेत. सकाळी ग्रामस्थ पूजेसाठी मंदिरात गेल्यानंतर हा प्रकार लक्षात आला. ग्रामस्थांनी तातडीने पोलिसांना याची माहिती दिली. त्यानंतर पोलिसांनी श्वानपथक मंदिरात आणले.