बलूचिस्तानात सैन्य तैनात करण्याचा चीनचा डाव !

बलूचिस्तान – पाकमधील चिनी नागरिकांच्या वाढत्या हत्यांचे कारण पुढे करत धूर्त चीनचा आता बलूचिस्तानात चिनी सैन्य तैनात करण्याचा डाव असल्याचे समोर येत आहे. पाकचे सैन्यप्रमुख जनरल बाजवा यांच्या चीन दौर्‍यात त्यांच्यासमोर चीनने हा प्रस्ताव ठेवला. या प्रस्तावावर विचार करण्यासाठी बाजवा यांनी चीनकडे वेळ मागून घेतली आहे. चीनच्या येथील महत्त्वकांक्षी ‘चीन पाकिस्तान आर्थिक विकास महामार्ग’ या प्रकल्पासाठी काम करणार्‍या अनेक चिनी कामगारांच्या हत्या केल्या जात आहेत. त्यासाठी चीनने पाकसमोर हा प्रस्ताव ठेवला आहे.