पाकमध्ये मुसलमानाने अपहरण केलेल्या हिंदु मुलीची एका आठवड्यानंतर सुटका

इस्लामी पाकमधील असुरक्षित हिंदु मुली !

झेलम (पाकिस्तान) – पाकिस्तानच्या पंजाब प्रांतातील झेलम जिल्ह्यातून राजा जाफर या मुसलमानाने एका हिंदु मुलीचे अपहरण केले. एका आठवड्यानंतर पोलिसांनी तिची सुटका केली. डोंगरी भागातून कामावरून परतत असतांना हिंदु मुलीचे अपहरण करण्यात आले होते, असे वृत्त ‘डॉन’ या तेथील इंग्रजी वृत्तपत्राने प्रसिद्ध केले आहे.

जाफरने बलात्काराच्या उद्देशाने या मुलीचे अपहरण केले होते. एका आठवड्यानंतर बहावलपूर पोलिसांनी हिंदु मुलीची सुटका केली आणि तिला झेलमला आणले. पोलीस जाफरचा शोध घेत आहेत.
या वर्षीच्या आरंभी सिंध प्रांतातील सुक्कुरमध्ये पूजा कुमारी या हिंदु मुलीची घरात घुसून हत्या करण्यात आली होती. यावरून पाकिस्तानमध्ये अल्पसंख्यांक हिंदूंच्या मानवाधिकारांचे हनन होत असल्याचे पुन्हा एकदा समोर आले आहे.