अयोध्येतील दाक्षिणात्य शैलीतील पहिल्या मंदिराच्या प्राणप्रतिष्ठापनेला योगी आदित्यनाथ यांची उपस्थिती

अयोध्या (उत्तरप्रदेश) – उत्तरप्रदेशचे मुख्यमंत्री योगी आदित्यनाथ येथे द्रविडी शैलीत बांधण्यात आलेल्या रामलला सदन मंदिराच्या प्राणप्रतिष्ठापनेला उपस्थित होते. श्रीरामजन्मभूमीपासून अवघ्या काही पावलांवर हे दक्षिण भारतीय शैलीतील मंदिर बांधण्यात आले आहे. अयोध्येतील हे पहिले मंदिर असणार आहे की, जेथे भगवान श्रीरामाचे कुलदैवत भगवान रंगनाथन् यांचे मंदिर असणार आहे. येथे भगवान श्रीराम, लक्ष्मण आणि सीता यांच्या मूर्तीची प्राणप्रतिष्ठापना करण्यात आली.