चित्रकूट (उत्तरप्रदेश) येथे भीतीदायक स्वप्नांमुळे झोप येत नसल्याने चोरट्यांनी परत केल्या मूर्ती !

चित्रकूट (उत्तरप्रदेश) – येथील प्राचीन बालाजी महाराज मंदिरातील अष्टधातूंच्या १६ मूर्ती ९ मेच्या रात्री अज्ञात चोरट्यांनी चोरून नेल्या होत्या. १५ मे या दिवशी चोरटे यांपैकी १४ मूर्ती मंदिराच्या महंतांच्या घराबाहेर ठेवून निघून गेले.

या चोरट्यांनी एक पत्रही ठेवले आहे. यात लिहिले आहे, ‘रात्री आम्हाला भीतीदायक स्वप्न पडत आहेत. आम्ही झोपू शकत नाही. यामुळेच या मूर्ती तुमच्या घराबाहेर ठेवून जात आहोत.’ या मूर्तींचे मूल्य कोट्यवधी रुपये आहे.