देहली आणि नोएडा येथे विविध मंदिरांमध्ये करण्यात आली सामूहिक प्रार्थना !

परात्पर गुरु डॉ. आठवले यांच्या जन्मोत्सवानिमित्त हिंदु राष्ट्र-जागृती अभियान

देहली – हिंदु राष्ट्राचे प्रेरणास्थान आणि सनातन संस्थचे संस्थापक परात्पर गुरु डॉ. आठवले यांच्या जन्मोत्सवानिमित्त हिंदु जनजागृती समितीच्या वतीने राष्ट्रीय स्तरावर हिंदु राष्ट्र-जागृती अभियान राबवले जात आहे. या अंतर्गत देहलीमधील श्री संतोषीमाता मंदिर, अलकनंदा मार्केट, कालकाजी आणि सी-९ मंदिर, वसंत कुंज येथे सामूहिक प्रार्थनेचे आयोजन करण्यात आले. नोएडामधील ला रेजिडेंसिया सोसायटीचे मंदिर, समृद्धी सोसायटीचे मंदिर, ग्रेटर नोएडा पश्चिम, शिवमंदिर, सेक्टर २२ येथे प्रार्थनांचे आयोजन केले. ग्रेटर नोएडाच्या वाचिका सौ. अर्चना बर्नवाल यांनी प्रार्थनेच्या सेवेत सहभाग घेतला. मंदिर समितीच्या सर्व महिलांचे चांगले सहकार्य मिळाले. देहली आणि नोएडा येथील सामूहिक प्रार्थनेच्या वेळी धर्मप्रेमींसह उपस्थित भाविकांनी सहभाग घेतला. या वेळी अनेक जिज्ञासूंनी समितीच्या कार्यात सहभागी होण्याची इच्छा व्यक्त केली.