(म्हणे) ‘मनसेने समयमर्यादा दिली, तरी मशिदींवरून भोंगे उतरवणार नाही !’

सर्व भोंगे अधिकृत करण्यासाठी पोलीस आयुक्तांना पत्र !

रझा अकादमीची मुजोरी !
रझा अकादमीने इतकी वर्षे भोंगे अधिकृत करून का घेतले नाहीत ? त्यासाठी हिंदूंच्या नेत्यांना समयमर्यादा द्यावी लागली, हे लक्षात घ्या ! हिंदूंच्या नेत्यांनी आवाज उठवला तर काय होऊ शकते, हे यावरून लक्षात येते !
जरी भोंगे अधिकृत झाले, तरी ते ध्वनीप्रदूषण करत असतील, तर ते अयोग्यच होणार आहे. याचसमवेत अधिकृत भोंग्यांवरून दिली जाणारी अजान ही सर्वोच्च न्यायालयाने घालून दिलेल्या समयमर्यादेचे उल्लंघनच करते. त्यामुळे अशा सर्वच भोंग्यांवर बंदी हवी, असे बहुसंख्य जनतेला आता वाटते !

मुंबई – मशिदींवरील भोंग्यांच्या सूत्रावरून मनसे राजकारण करत आहे. मनसेने ३ मेची समयमर्यादा दिली, तरी मशिदींवरून भोंगे उतरवणार नाही, असे मुजार वक्तव्य रजा अकादमीचे अध्यक्ष सईद नुरी यांनी केले आहे. नुरी म्हणाले, ‘‘आम्ही मुंबई पोलीस आयुक्तांची १७ एप्रिल या दिवशी भेट घेऊन भोंग्यांविषयीची अनुमती देण्याची मागणी केली आहे. अनेक वर्षांपासून भोंग्यांवरून नमाजपठण केले जात आहे; परंतु हा विषय आताच का समोर आला ? मशिदींकडून सर्वोच्च न्यायालयाच्या मार्गदर्शक सूचनांचे पूर्णपणे पालन केले जाईल. मुंबईतील प्रत्येक मशिदीवर ध्वनीवर्धक लावण्याची अनुमती आहे. ज्या मशिदीकडे ध्वनीवर्धकाची अनुमती नाही, त्याची अनुमती घेतली जाईल आणि त्यानुसार नमाजपठण केले जाईल.’’