कटनी (मध्यप्रदेश) येथे रेल्वे स्थानक परिसरातील जुन्या श्रीराममंदिराच्या समोरील भिंत हिंदु संघटनांनी पाडली !

कटनी (मध्यप्रदेश) – येथील रेल्वे स्थानक परिसरातील जुन्या श्रीराममंदिराच्या समोर रेल्वे प्रशासनाने काही वर्षांपूर्वी भिंत उभी केली होती. त्यामुळे भाविकांना मंदिरात जाण्यास अडचण निर्माण झाली होती. हिंदु संघटनांनी अनेकदा रेल्वे प्रशासनाच्या कृतीचा विरोध केला होता.

शेवटी या संघटनांनी श्रीरामनवमीच्या आदल्या दिवशी स्वतःहून ही भिंत पाडून टाकली. आता रेल्वे प्रशासनाने मंदिरात जाण्यासाठी मार्ग देण्याचे मान्य केले आहे.